पण लक्षात कोण घेतो ?

मागच्या आठवड्यात COEP/PIET मध्ये परीक्षा शुल्क भरायला गेलो होतो.
संपूर्ण प्रक्रिया याप्रमाणे :
१. भांडारामध्ये जाऊन फॉर्म आणि चलन विकत घेणे.
२. फॉर्म भरणे. यात एक रकाना - माझा BE चा University Seat Number होता !
३. रस्ता (मुंबई-पुणे महामार्ग) ओलांडणे. हातपाय न मोडता रस्ता ओलांडला तर-
४. फॉर्मवर विभाग प्रमुख आणि प्रकल्प (project!) गाईड यांची स्वाक्षरी घेणे.
५. रस्ता ओलांडणे. हातपाय न मोडता रस्ता ओलांडला तर-
६. Accounts विभागात जाऊन नमुना चलन पाहून तुमचे चलन भरणे.
७. परीक्षा विभागात जाऊन फॉर्म तपासून घेणे.
८. बॅंकेत जाऊन पैसे भरणे.
९. पैसे भरल्याची पावती फॉर्मला जोडून फॉर्म परीक्षा विभागात नेऊन देणे.

अशी 'नवविधा' भक्ती झाली, की मग परीक्षारूपी परमेश्वर प्रसन्न होईल अशी आशा बाळगायची ! अर्थात मला याची सवय आहे. मी ( आणि माझ्या सहाध्यायांनी ) हे सारं, ८ वेळा परीक्षाशुल्क आणि ४ वेळा महाविद्यालयाचं वर्षाचं शुल्क, यासाठी केलं आहे ! कदाचित नव्या अभ्यासक्रमात, हे सारं चटकन कसं करावं, यासाठी 'time management' शिकवतील !